10 წუთი. 15 წუთი.
შემადგენლობა:
- 500 გრ თევზი
- 1 თავი ხახვი
- 2 ფოთოლი დაფნა
- 1 კონა ქინძი
- 2 კბილი ნიორი
- 2-3 მარცვალი შავი პილპილი
- 1 ს.კ მარილი
- 70 მლ ძმარი
- წითელი წიწაკა გემოვნებით
მომზადება:
თევზს მოვაჭრათ თავი და კუდი, გამოვშიგნოთ, გავრეცხოთ და დავჭრათ ულუფებად.
ქვაბში ჩავასხათ 1-1.5 ლ წყალი, დავამატოთ გაფცქვნილი, მთლიანი ხახვი, პილპილი, დაფნა და წამოვადუღოთ, დავამატოთ მარილიც ჩავუშვათ ბულიონში თევზის ნაჭრები და ვხარშოთ 5-8 წუთი.
ქიძი და ნიორი წვრილად დავჭრათ.
თევზი ფრთხილად ამოვიღოთ და გადავიტანოთ ჭურჭელში, რომელშიც მარინადს დავასხამთ. მოვაყაროთ ქინძი და ნიორი.
ცხელი ბულიონის ნახევარი გავწუროთ, შევურიოთ ძმარი და წითელი წიწაკა. დავასხათ თევზს. ვაცალოთ გაციება და შევდოთ მაცივარში მინიმუმ 5 საათით, უმჯობესია მთელი ღამით.
