Xatia Chichinadze 10 წუთი. 15 წუთი.

შემადგენლობა:

  •  250 გ ახალი ან დაკონსერვებული ანანასი
  •  1 ქილა დაკონსერვებული სიმინდი
  • 4 ც მოხარშული კვერცხი
  •  400 გ მოხარშული ქათმის ხორცი
  • 5 ს.კ გახეხილი ყველი
  • 1 კონა მწვანე ხახვი
  • 1 კონა სალათის ფოთლები
  •  1 ც მაიონეზი
  •  1 ჩ.კ ხმელი რეჰანი
  • მარილი
  • 1/3 ჭიქა დამტვრეული ნიგოზი

მომზადება: 

ანანასი კუბებად დავჭრათ. თუ დაკონსერვებულს გამოვიყენებთ, ჯერ თუშფალანგზე დავყაროთ დასაწრეტად. ქათამი მსხვილად დავჭრათ, კვერცხი გავხეხოთ. მწვანე ხახვი წვრილად დავჭრათ. სალათის ფოთლები გავრეცხოთ და შევაშროთ. თუშფალანგზე გავწუროთ სიმინდი. მაიონეზში ავურრიოთ პილპილი, მარილი, რეჰანი და ლიმონის წვენი. ქათმის ხორცს შევურიოთ  სიმინდი, დაჩეჩქვილი ნიგოზი, ანანასი, მწვანე ხახვი და მაიონეზი. სალათის ფოთლები დავაწყოთ თეფშზე. ზედ მოვათავსოთ მაიონეზიანი სალათა და მოვაყაროთ გახეხილი ყველი და კვერცხი. სალათა ზემოდანაც სალათის ფოთლებით მოვრთოთ.